Bio-Pesticides

Thuhmahruai :

Thlai venhim nana hmanraw chi hrang hrang hi a mala ṭha tluan tling a awm lo, hemi avang hian hmaraw chi hrang hrang a huhova hman a ngai a, chu chu Integrated Pest Management (IPM) an tih hi a ni. Bio-Pesticides pawh hi IPM peng pakhat Biological Control zing a mi a ni.

Bio - Pesticide awmzia :

Bio-Pesticide awmzia chu thlai tichhetu chi hrang hrang (rannung, natna, hrik etc) suat nana hman thilnung tihna a ni.

Bio-Pesticides:

• Bio-Pesticides hi thlai eichhetu rannung/ natna/hnim suat nan a ṭangkai

• Boruak, tui leh leilung a tibawlhhlawh ve lo, mihring tan a hlauhawm lo.

• A tum (target) a fuh chat chat.

Bio - Pesticide chi hrang hrang leh a hman dan:

Bio-Pesticide hi chi hrang hrang ṭhahnem tak a awm a, chungte chu –

• Rannung suatnate

• Thlai natna hrik suatnate

• Hnim (hlo) suatnate

 Tunah hian mithiam Scientist ten an hmuhchhuah belh zel bawk

 Bio-pesticide zinga chhiar telve, a nung chunga hman ni ve si lo a awm a, chu chu Neem kung aṭanga siamchhuah insecticides hi a ni. A chhan chu hetiang Neem aṭanga siamchhuah hi Rirectorate of Plant Protection of India Bio-pesticide zinga a telh vang a ni.

Bio-pesticides lar zual deuhte chu hetiang hi an ni :-

1. TRICHOGRAMMATIDS :

 Hei hi rannung te tak te, vaihmite tiat lek khuaidang (Wasp) kan tih ang chi khat a ni. He rannung hi thlai eichhetu rannung (pangang) chimawm ber pakhat lungphur thlahtu (moths) chi hrang hrang suattu ṭangkai tak a ni.

 India ram hmun hrang hranga an hman larte leh thlai bik (host plant) atana an hman chu hetiang hi an ni :-

• A chunga tarlan Trichogramma pali te hi India ram chhunga hman larte an ni a, hengte bakah hian chi hrang tam tak a lo awm a ni.

• Heng chi li te hi tunah Mizoramah siam chhuah hna thawh ṭan mek a ni.

• Trichogramma Chilonis (Sl. No. 2) hi thlai tarlante bakah thlai dangah pawh hman a ni a, rannung chi 25-30, thlai hrang hrang beitu a suat rem theih a ni.

A HMAN DAN :

 Trichochard (lehkha = 1” a hlai, 6” a sei) ah rannung ṭangkai (Trichogramma) tui 16,000-20,000 keu mai tur (Laboratory-a siam) lak a, pawh bunna tura siamsa hmun 8-ah tih bun a, thlai hnah hnuai lamah hling/pin/stapler emawa chehbeh mai tur a ni. Card aṭanga rannung ṭangkai rawn keu chhuak chuan lungphur thlahtu tui a zawng nghal char char a, Card 1 hi cc 1 zel a ni a, ram ṭin 1 hmun atan card 2-3 a tawk.

2. CHRYSOPIDS:

 He rannung hi thosi ang deuh, a taksa a hring, a thla erawh a lang thei a, hemi avang hian, “Green-lace Wings” tia koh a ni.

 He rannung hian thlai râl, a tui te, a pangang te, a puitling te chawah ringin (Predators) a suat rem ṭhin a ni.

A ṭangkainate:

1. Vegetables (Thiasik thlai) bawmtu hrik - anṭam hrik kan tih mai ṭhin, “Aphids” tiremtu a ni.

2.  Thlai hnah leh kung beitu hrik chi khat nem deuh “Mealy bugs” eitu a ni

3. Tho chi khat thlai tana natna thlen theitu, “Jassids leh White flies” ei hlumtu a ni bawk.

A hman dan / A chhuah dan:

Chrysopids hi huanah chi hnihin a chhuah theih a –

1)  A tuiin (Egg stage)

2)  A pangangin (Larval/Nymph stage)

 Laboratory-a he rannung tui (egg) emaw pangang (larva/nymph) siam pun sa lâka huana thehdarh tawh mai tur a ni. A tui (egg) chi a chhuah dawn chuan ram ṭin 1 tan a tui 10,000 vel a tawk a, a pangang ang chuan 250 vel a tawk. (He rannung tih pun hna hi Agriculture Department chuan SBCL-ah a ṭan chho mek).

3. COCCINALS (Ladybird Beetles)

 He rannung hian rannung vek chawah a ring a, a note leh a puitlingin rannung a ei ṭhin.

 Keltelaimom chi khat, bekang fang tiat awr, sephung kawr ang nei, a hnungzangah khuavang chhinchhiah ang awm thluah ṭhin hi a ni. Hetiang hi chi 8 vel an awm a. Heng rannung hi state ṭhenkhat chuan laboratory-ah an vulh pung nasa tawh a, thlai, a bikin buh, anṭam chi hrang hrang, bean, vaimim, etc. ven nan an hmang tawh a ni (Mizoramah chuan kan la ti ve rih lo).

4.  BACILLUS THURINGIENSIS (Bt) :

 Hei hi hrik te tak te, mit lawnga hmuh tham loh, bacterium a ni. Fu, buh, vaimim, la, etc. hmuna phengphehlep chi hrang hrang leh lungphur thlahtu suat nan hman ṭhin a ni.

 Laboratory-a siam sa, hman nghal mai theih tura buatsaih, sumdawnna hming, “Delfin” tih chuangin India ram state hrang hrangah lei theih a ni (Kan state-ah chuan kan la siam lo).

5.  NPV leh Entomopathogenic nematodes (EPN)

 NPV (Nuclear Polyhedrosis Viruses) hi hrik te tak te, mit lawnga hmuh tham loh virus a ni a, nimahsela, mihring tan a hlauhawm loh. Pangang chi hrang hrang suat nan a ṭangkai em em a ni. NPV, laboratory-a siam sa, tui nen pawlh tura hman mai theih ram pawn hrang hrangah packet-in lei tur a awm reng a ni.

 EPN-Entopathogenic Nematodes chu rulhut, mihring kawchhunga awm chi ni lo, mit lawnga hmuh tham si loh, rannung thah nana ṭangkai em em mai hrik, “Bacterium” nei chi a ni.

 Heng Bio-pesticides kan tarlan bakah hian a dang tam tak a la awm a ni.

THLAI NATNA HRIK ATAN VENGTU BlO-PESTICIDES TE:

 Thlai natna hrik laka vengtu Bio-pesticide pawh hmuhchhuah zel a ni a, chung zinga lar zual deuhte chu hetiang hi an ni:

I. Bacterial natna laka vengtu-Pseudomonas spp.

II. Soil borne diseases (lei aṭanga natna) laka vengtu - Trichoderma spp.

A HMAN DAN TLANGPUI

 Bio-pesticides thlai natna laka venghimtute hi chi 4-in an hman theih: